Castellano
Detalle trámite
O procedemento "servizo de axuda a domicilio" pretende xestionar a demanda dun conxunto de atencións, dende unha perspectiva integral e nomalizadora, de toda a poboación do municipio, na casa, naquelas situacións en que a autonomía persoal se vexa limitada, ou naqueles casos de desintegración familiar. En xeral, persegue xestionar o servizo de axuda a domicilio proporcionado polo Concello.
Calquera persoa física ou xurídica que desexe solicitar o servizo de axuda a domicilio.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.
- Solicitude de servizo de axuda a domicilio.
- Informe de saúde. Informe médico dos servizos de saúde, onde se detallen as doenzas que causan a situación de dependencia.
- Xustificante de ingresos de todas as persoas que forman a unidade de convivencia.
- Certificado de bens. Relación de todos os bens de natureza rústica e/ou urbana a nome da persoa interesada.
- Xustificantes bancarios dos rendementos de capital mobiliario das persoas que conforman a unidade de convivencia.
- Declaración da renda ou certificado de non ter obriga de realizala. Copia da última declaración da renda ou do certificado acreditativo de non ter que realizar a dita declaración.
- Certificado do grao e nivel de dependencia (acceso persoas valoradas dependentes). Certificado do grao e nivel de dependencia recoñecido segundo o baremo do Real decreto 1971/1999, do 23 de decembro.
- Resolución do PIA (acceso persoas valoradas dependentes). Resolución do PIA (Programa individual de atención) onde se fixe o SAF municipal como recurso idóneo.
- Ordenanza municipal do servizo de axuda no fogar (SAF)
- Ordenanza fiscal nº 14, reguladora da taxa do servizo de axuda no fogar (SAF)
-
Decreto 149/2013, do 5 de setembro, polo que se define a carteira de servizos sociais para a promoción da autonomía persoal e a atención ás persoas en situación de dependencia e se determina o sistema de participación das persoas usuarias no financiamento do seu custo.
-
Decreto 99/2012, de 16 de marzo, polo que se regulan os servizos sociais comunitarios e o seu financiamento.
-
Orde do 22 de xaneiro de 2009 pola que se regula o servizo de axuda no fogar.
-
Lei 13/2008, do 13 de decembro, de servizos sociais de Galicia.
Nome: Solicitude do servizo de axuda a domicilio.
Unidade tramitadora: Servizos Sociais.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía.
Carácter silencio administrativo: Silencio negativo.
Prazo de resolución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Consultar a ordenanzas no apartado de normativa.
Canles de atención: Telemático (Iniciar trámite).
Presencial.
